داهاتی نەوتی عێراق لە ماوەی چوار مانگی رابردوودا ٣٨ ترلیۆن دیناری تێپەڕاند، کە داهاتی فرۆشتنی ٤١١ ملیۆن بەرمیل نەوت بووە.
وەزارەتی نەوتی عێراق بڵاویکردەوە، لە چوار مانگی ڕابردوودا ٤١١ ملیۆن و ٦٠٠ هەزار بەرمیل نەوتیان هەناردە کردووە لە ڕێگەی کۆمپانیای سۆمۆوە، ٣٨ ترلیۆن و ٢٦ ملیاریش دینار داهاتەکەی بووە.
وەزارەتی نەوتی
عێراق ئاماژەی بەوەشکردووە، لەو بڕەى هەناردە کراوە ٤٠٥ ملیۆن و ٨١٠ هەزار بەرمیلی
بەرهەمی کێڵگەکانی ناوەڕاست و خوارووی عێراق بووە.
ئەوەش لە کاتێکدایە،
تائێستا دەست بە هەناردەکردنی نەوتی هەرێم نەکراوەتەوە کە مانگانە بڕى ٤٠٠ هەزار بەرمیلى
بۆ دیاریکراوە.