PM:02:47:06/06/2024
1108 جار خوێندراوەتەوە
بانکی ناوەندیی عێراق رایگەیاند، زیاتر لە ٢٧٥ ملیۆن دۆلاریان بە نرخی فەرمی بانکەکە بە بازرگانان و گەشتیاران فرۆشتووە. لە ئێستاشدا لە بازاڕەکانی هەرێم، ١٠٠ دۆلار بە ١٤٥ هەزار و ٧٥٠ دینار مامەڵەی پێوە دەکرێت.
ئەمڕۆ پێنجشەممە، بانکی ناوەندیی عێراق لە سەکۆی تایبەتی فرۆشتنی دۆلار بڵاوی کردەوە، بۆ ئەمڕۆ ٢٧٥ ملیۆن و ٦٦ هەزار و ٦٥٠ دۆلاریان بە نرخی فەرمی بە بازرگانان و گەشتیاران فرۆشتووە.
ئاماژە بەوە کراوە، لەو بڕە، ٢٥٣ ملیۆن و ٥٥٦ هەزار و ٦٥٠ دۆلاری بە شێوەی
حەواڵە و ٢١ ملیۆن و ٥١٠ هەزار دۆلاری بە شێوەی کاش بووە.
هاوکات، لە ئێستادا لە بازاڕەکانی دراو لە هەرێم، نرخی ١٠٠ دۆلار بەرامبەرە
بە ١٤٥ هەزار و ٧٥٠ دینار، ئەوەش بەراورد بە کاتی کردنەوەی بازاڕی دراوەکان، نرخی
دۆلار بەرز بووەتەوە.