ئاماژەی بەوەش کرد، بە تەنها لە ماوەی ساڵی ٢٠٢٣ـدا ٣٣ ملیار دۆلاربووە و لەماوەی پێنج مانگی سەرەتای ٢٠٢٤ ـدا قەبارەی ئاڵوگۆڕی بازرگانی نێوان عێراق و چین بە رێژەی ١٧ ملیار دۆلاربووە، ئەمەش  ئاستی گەشەی ئاڵوگۆڕی بازرگانی نێوان هەردوو وڵاتەکە نیشاندەدات، ئاڵوگۆڕی بازرگانی بۆ هەردوو ساڵەکە گەیشتووەتە ٥٠ ملیار دۆلار.

باسی لەوەش کرد، بەشداریکردنی چین لە پڕۆژەی رێگای گەشەپێدانی عێراق رۆڵێکی گرنگی دەبێت لەسەر پەرەپێدانی کەرتی ئابووری و پەیوەندییە هاوبەشەکانی عێراق لەگەڵ چین لە کەرتە نانەوتییەکانی وەک کشتوکاڵ، پیشەسازی، بازرگانی، گەشتیاری و خزمەتگوزاری.

لای خۆشییەوە، باڵیۆزی چین لە عێراق رایگەیاند، لایەنی عێراقی ئەندامێکی زۆر گرنگی کۆمکاری وڵاتانی عەرەبییە هەربۆیە بەردەوام دەبن لە پەرەپێدانی پەیوەندییە هاوبەشەکانیان لەگەڵ عێراق.

لەو بارەیەشەوە محەمەد نەجار، بەڕێوەبەری خەزێنەی گەشەپێدانی عێراق و راوێژکاری وەبەرهێنانی سەرۆک وەزیران بە دیجیتاڵ میدیای ئێن ئاڕ تی رایگەیاند، بە هاوبەشی دەستەی بازرگانی عێراق و چین گرێبەستێک بە مەبەستی ئاڵوگۆڕی سیاسی و ئابووری هەردوو وڵات واژۆ دەکەن.

باسی لەوەشکرد، قەبارەی ئاڵوگۆڕی بازرگانی عێراق و چین ساڵانە زیاتر لە ٥٣ ملیار دۆلارە و لەڕێگەی گرێبەستەکەوە بەڕێژەی ٥٠٪ بەرزدەکرێتەوە، بەوپێیەش دەگاتە ٧٠ ملیار دۆلار.