لە ساڵی ١٩٤٠ـەوە، ١٤ سەرۆکی جیاوازی وڵاتان لە سەرتاسەری جیهاندا، بەهۆی کەوتنەخوارەوەی فڕۆکەکانیانەوە گیانیان لەدەستداوە، ئیبراهیم رەئیسیش، بووە ١٥ـیەمینیان.

گیانلەدەستدانی سەرۆکەکان بەهۆی تێکشکانی فڕۆکەکانیان:

یەکەم سەرۆک کە بەهۆی کەوتنەخوارەوەی فڕۆکەکەیەوە گیانی لەدەستدا، خۆزێ فێلیکسی سەرۆکی پاراگوای بوو، کە لە حەوتی ئەیلولی ١٩٤٠ـدا فڕۆکەکەی تێکشکا و گیانی لەدەستدا.

لە ١٧ـی ئازاری ١٩٥٧ـدا، رامۆن ماگساسای سەرۆکی فلیپین فڕۆکەکەی لە شاخی باڵامبان تێکشکا و بەهۆیەوە گیانی لەدەستدا، بەوەش بووە دووەم سەرۆک کە بەهۆی تێکشکانی فڕۆکەکەیەوە گیانی لەدەستدابێت.
سێیەم سەرۆک کە بەهۆی تێکشکانی فڕۆکەکەیەوە گیانی لەدەستدابێت، نێریۆ رامۆسی سەرۆکی بەڕازیلە، کە لە ١٦ـی حوزەیرانی ١٩٥٨ـدا فڕۆکەکەی لە نزیک فڕۆکەخانەی ئەفۆنسۆ پینا تێکشکا.

عەبدولسەلام عارفی سەرۆک کۆماری عێراق لە ساڵانی ١٩٦٣ بۆ ١٩٦٦، بە هەمان شێوە و بەهۆی تێکشکانی فڕۆکەکەی لە ١٣ـی نیسانی ١٩٦٦ لە بەغدا، گیانی لەدەستدا و بووە چوارەم سەرۆک کە بەهۆی تێکشکانی فڕۆکەکەی گیانی لەدەستدابێت.

کاستیلۆ برانکۆی دیکتاتۆری پێشووی بەڕازیل، لە ١٨ـی تەمموزی ١٩٦٧ فڕۆکەکەی تێکشکا و گیانی لەدەستدا، بەوەش بووە پێنجەم سەرۆک لە جیهاندا و دووەم سەرۆک لە مێژووی بەڕازیلدا، بەهۆی تێکشکانی فڕۆکەکەی گیانی لەدەستدابێت.

رێنێ باریێنتۆسی ٤٧ـەمین سەرۆکی بۆلیڤیا، لە ٢٧ـی نیسانی ١٩٦٩ـدا بەهۆی تێکشکانی فڕۆکەکەیەوە گیانی لەدەستدا و بووە شەشەمین سەرۆک بەهۆی تێکشکانی فڕۆکەوە گیانی لەدەستدابێت.

حەوتەم سەرۆک کە بەهۆی تێکشکانی فڕۆکەکەی گیانی لەدەستدابێت، جەیمی رۆلدۆسی سەرۆکی ئیکوادۆر بوو، لە ١٠ـی ئابی ١٩٧٩ـدا فڕۆکەکەی تێکشکا و بەهۆیەوە گیانی لەدەستدا.

سامۆرا ماچێلی یەکەم سەرۆکی مۆزەمبیق، لە ١٩ـی تشرینی یەکەمی ١٩٨٦ـدا بەهۆی تێکشکانی فڕۆکەکەی گیانی لەدەستدا و بووە هەشتەم سەرۆک بەهۆی تێکشکانی فڕۆکەکەی گیانی لەدەستدابێت.

نۆیەم سەرۆک کە بەهۆی تێکشکانی فڕۆکەکەی گیانی لەدەستدابێت، محەمەد زیائولحەقی سەرۆکی پاکستان بوو، کە لە ١٧ـی ئابی ١٩٨٨ـدا فڕۆکەکەی تێکشکا و گیانی لەدەستدا.

یوڤێنال هابیاریمانای سەرۆکی روەندا، دەیەمین سەرۆکە کە بەهۆی تێکشکانی فڕۆکەکەی گیانی لەدەستدابێت، لە ٦ـی نیسانی ١٩٩٤ـدا فڕۆکەکەی تێکشکا و گیانی لەدەستدا.

سایپریەن تاریماریا، سەرۆکی بوروندی، لە هەمان فڕۆکەی سەرۆکی روەندادا بوو کە لە ٦ـی نیسانی ١٩٩٤ـدا تێکشکا و بەهۆیەوە گیانی لەدەستدا، بەوەش بووە ١١ـیەمین سەرۆک کە بەهۆی تێکشکانی فڕۆکەوە گیان لەدەستبدات.

١٢ـیەمین سەرۆک کە بەهۆی تێکشکانی فڕۆکەکەیەوە گیانی لەدەستدابێت، بۆریس ترایکۆڤسکی سەرۆکی مەکدۆنیا بوو، کە لە ٢٦ـی شوباتی ٢٠٠٤ـدا فڕۆکەکەی تێکشکا.

لیخ کاچینسکی، سەرۆکی پۆڵەندا، ١٣ـیەمین سەرۆکە کە بەهۆی تێکشکانی فڕۆکەکەیەوە گیانی لەدەستدابێت، لە ١٠ـی نیسانی ٢٠١٠ـدا فڕۆکەکەی لە رووسیا تێکشکا و گیانی لەدەستدا.

سباستیان پینێرای سەرۆکی چیلی، کە لە ٦ـی شوباتی ئەمساڵدا فڕۆکەکەی تێکشکا، بووە ١٤ـیەمین سەرۆک کە بەهۆی تێکشکانی فڕۆکەکەیەوە گیانی لەدەستدابێت.

جگە لە گیانلەدەستدانی سەرۆکی وڵاتان، لە ساڵانی رابردوودا چەندین کەسایەتی دیاری بواری سەربازی و سیاسی و وەرزشی و بازرگان بەهۆی تێکشکانی فڕۆکەکانیانەوە گیانیان لەدەستداوە، یاڤگینی پریگۆژینی سەرۆکی گرووپی هەڵگەڕاوەی ڤاگنەر، عەدنان خەیروڵا خاڵۆزای سەدام حسێنی سەرۆکی رژێمی پێشووی عێراق، ئارڤیند لیندمانی سەرۆک وەزیرانی پێشووتری سوید، کۆبی برایانتی یاریزانی بەناوبانگی باسکە و چەندین کەسایەتی دیاری تر.