بانکی ناوەندیی عێراق رێژەی فرۆشی دۆلاری بۆ ئەمڕۆ بڵاو کردەوە و ئاماژەی بەوە کرد، بە تێکڕا زیاتر لە ٢٧٣ ملیۆن دۆلاری بە بانک و بازرگانەکان فرۆشتووە. لە ئێستاشدا لە بازاڕەکانی هەرێم، ١٠٠ دۆلار بە ١٤٥ هەزار و ٥٥٠ دینار مامەڵەی پێوە دەکرێت.
ئەمڕۆ دووشەممە، بانکی ناوەندیی عێراق لە سەکۆی خستنەڕووی دراوە بیانییەکان رایگەیاند، بۆ ئەمڕۆ، بە تێکڕا ٢٧٣ ملیۆن و ٥٧٢ هەزار و ٥٢٤ دۆلار بەشێوەی کاش و حەواڵەی دەرەکی بە بانک و بازرگانەکان فرۆشراوە.
ئاماژە بەوەش کراوە، لەو رێژەیە ١٩ ملیۆن و ١١٠هەزار دۆلاری بە شێوەی کاش و
٢٥٤ ملیۆن و ٤٦٢ هەزار و ٥٢٤ دۆلاری بە شێوەی حەواڵەی دەرەکی بووە.
لە ئێستاشدا لە بازاڕی دراوەکان لە هەرێم، ١٠٠ دۆلار بە ١٤٥ هەزار و ٥٥٠
دینار مامەڵەی پێوە دەکرێت.
ئەوەش لەکاتێکدایە، هەفتەی رابردوو بانکی ناوەندیی عێراق بڕی ملیارێک و ٣٨١
ملیۆن و ٨٧١ هەزار و ٣٣٨ دۆلاری فرۆشتووە، لەو بڕەش، ملیارێک و ٢٦٤ ملیۆن و ١٩٤ هەزار
و ٣٤٢ دۆلاری بەشێوەی حەواڵە و ١٠٩ ملیۆن و ٦٧٦ هەزار و ٩٩٦ دۆلاری بەشێوەی کاش
بووە.