لە بازاڕی دراوەکانی هەرێم ١٠٠ دۆلار بە ١٤٥ هەزار و ٦٥٠ دینار مامەڵەی پێوەدەکرێت و بەراورد بە دوێنێ شەممە، ٣٠٠ دینار لە نرخەکەی دابەزیوە.
ماوەی زیاتر لە چوار رۆژە نرخی دۆلار لە بازاڕی دراوەکانی هەرێم لەخوار ١٤٥ هەزاردا جێگیرە و ئەمڕۆ یەکشەممە، نرخی ١٠٠ دۆلار بەرامبەرە بە ١٤٥ هەزار و ٦٥٠ دینار.
هاوکات، بەراورد بە دوێنێ
شەممە نرخی دۆلار ٣٠٠ دینار دابەزینی بەخۆیەوە بینیوە، بەوپێیەی دوێنێ ١٠٠ دۆلار
بەرامبەر بوو بە ١٤٥ هەزار و ٩٥٠ دینار.
بە گوێرەی راپۆرتە داراییەکانی بانکی ناوەندیی عێراق، لە
ماوەی هەفتەی رابردوودا، بانکی ناوەندیی عێراق بڕی ملیارێک و ٣٨١ ملیۆن و ٨٧١ هەزار
و ٣٣٨ دۆلاری فرۆشتووە، لەو بڕەش، ملیارێک و ٢٦٤ ملیۆن و ١٩٤ هەزار و ٣٤٢ دۆلاری بەشێوەی
حەواڵە و ١٠٩ ملیۆن و ٦٧٦ هەزار و ٩٩٦ دۆلاری بەشێوەی کاش بووە.
فرۆشی بانکی ناوەندیی عێراق بەراورد بە هەفتەی کۆتای
مانگی نیسان کەمێک دابەزینی بەخۆیەوە بینیوە، بەوپێیەی لە هەفتەی رابردوودا بانکەکە
ملیارێک و ٣٩٥ ملیۆن و ٢٥ هەزار و ٥٠٧ دۆلاری فرۆشت.
ئەوەش لە کاتێکدایە، وتەبێژی بازاری دۆلارەکەی سلێمانی بە
دیجیتاڵ میدیای ئێن ئاڕ تی راگەیاند، نرخی دۆلار لە خانەی ١٤٥ هەزار دیناردا بە جێگیری
ماوەتەوە و ئەوەش پەیوەستە بە تێکڕای رێژەی فرۆشی رۆژانە و هەفتانەی بانکی ناوەندی.وتیشی،
" لەئەگری کەمکردنەوەی عمولەی سەر دۆلاری کاش ئەوە نرخی دۆلار زیاتر دابەزین
بەخۆیەوە دەبینێت".