پۆلیسی گەرمیان رایگەیاند، بەهۆی شەڕی نێوان دوو خانەوادە لەسەر کێشەی کۆمەڵایەتی سێ کەس برینداربوون و بڕیاری دەستگیرکردن بۆ چوار کەس دەرچووە.
بەڕێوەبەرایەتی پۆلیسی گەرمیان راگەیەنراوێکی بڵاوکردەوە و تێیدا هاتووە، لە درەنگانی شەوی رابردوو بەهۆی کێشەی کۆمەڵایەتییەوە شەڕە تەقە لە نێوان دوو بنەماڵە دروستبوو.
ئاماژە بەوەشدراوە، ئەو دوو بنەماڵەیە لەناو خۆیاندا کردوویانە بە شەڕ و
تەقەیان لە یەکتر کردووە و لە ئەنجامدا سێ کەس برینداربوون.
ئەوەشی خستووەتەڕوو، بریندارەکان رەوانەی نەخۆشخانەی قەزای کەلار کراون و
چارەسەری پێویستیان بۆ کراوە و پۆلیس لێکۆڵینەوەی لەسەر رووداوەکە دەستپێکردووە و
بڕیاری دەستگیکردن بۆ چوار کەس دەرچووە.
هەر لە شەوی رابردوو، لە گەڕەکی تەعجیلی شاری هەولێر شەڕ لە نێوان هێزەکانی
ئاسایش و چەکدارێک دروستبوو و بەپێی ئەو زانیارییانەی دەست ئێن ئاڕ تی کەوتووە، سێ
کارمەندی ئاسایش برینداربوون.