PM:04:00:22/11/2022
1096 جار خوێندراوەتەوە
سەرۆکوەزیرانی عێراق و لەگەڵ سەرۆکی ماوەبەسەرچووی هەرێمی کوردستان کۆبووەوە و رایگەیاند، گرفتەکانی نێوان هەولێر و بەغدا لە رێگەی دەستوورەوە چارەسەر دەکەن.
محەمەد شیاع سودانی سەرۆکوەزیرانی عێراق لەگەڵ نێچیرڤان بارزانی سەرۆکی ماوەبەسەرچووی هەرێمی کوردستان کۆبووەوە و لە راگەیەندراوێکدا لەبارەی کۆبوونەوەکە ئەوە هاتووە، "پێویستە گرنگی بە گیانی یەکڕیزی لەسەر ئاستی پرسە نیشتیمانییەکان و پێویستی هاودەنگی و هەماهەنگی بۆ بەرەنگاربوونەوەی ئاستەنگی ئابووری و بژێوی و خزمەتگوزارییەکان و ئەرکی دەستەبەرکردنی ژیانیکی شایستە بۆ هەموو هاوڵاتیان لە سەرتاسەری عێراقدا بدرێت."
سودانی جەختی لەوەشکردەوە،
"حکومەتی ناوەندی لە رێگەی پشتبەستن بەدەستوورەوە هەوڵی چارەسەرکردنی کێشە و
گرفت و دۆسیە هەڵپەسێردراوەکانی نێوان هەولێر و بەغدا دەدات بە مەبەستی دابینکردنی
مافی پێکهاتەکان."
لە راگەیەندراوەکەدا
ئەوەش هاتووە، لە کۆبوونەوەکەدا گفتوگۆی دۆسیە ئەمنییەکان لە ناوچە سنوورییەکانی عێراق
کراوە و باس لە پاراستنی سەروەری عێراق کراوە، ئاماژە بەوەشکراوە، "نابێت خاکی
عێراق بۆ هێرشکردنە سەر وڵاتانی دراوسێ بەکار بهێنرێت."
