بەگوێرەی نوسراوێکی وەزارەتی کشتوکاڵ و سەرچاوەکانی ئاو، بڕیارداوە بە دیارکردنی نرخی فرۆشتنەوەی بنەتۆی گەنمی باوەڕپێکراو بە ٨٠٠ هەزار دینار و دیارکردنی نرخی پاڵپشتیکردنی جوتیارانیش بە بڕی ٢١٤ هەزار و ٧٥٠ دینار بۆ هەر یەک تۆن.
وەزارەتی کشتوکاڵ و سەرچاوەکانی ئاو رایگەیاندووە، بڕیاریانداوە لەپێناو بەرژەوەندی گشتی جوتیاران وە پاڵپشت بە فەرمانی وەزاری ژمارە سێ هەزار و ٦٠٥ی وەزارەت لە٦ی٦ی٢٠٢٢ کە کۆی گشتی خەرجی بەرهەمهێنانی بنەتۆی گەنمی باوەر پێکراو کە دەکاتە یەک ملیۆن و ١٤ هەزار و ٧٥٠ دینار.
نرخی فرۆشتنەوەی بنەتۆی گەنمی
باوەر پێکراو بە بڕی ٨٠٠ هەزار دینار دیاری بکەن.
هاوکات، دیاریکردنی نرخی
پاڵپشتی بۆ جوتیاران بە بڕی ٢١٤ هەزار و ٧٥٠ دینار بۆ یەک تۆن .
ئاماژە بەوەشکراوە، ئەم بڕە
پارەیەش لەسەر بودجەی پاڵپشتی ٢٪ ی بنەتۆی هەرێم لەلایەن وەزارەتی کشتوکاڵ و سەرچاوەکانی
ئاو دابین دەکرێت، لە چوارچێوەی پڕۆژەی نیشتیمانی بەبازاڕکردن و بە بڕشتکردنی گەنمی
جوتیارانی هەرێمی کوردستان.
ئەمەش لەکاتێکدایە دوێنێ
سێشەممە، ئەنجومەنی وەزیرانی عێراق بڕیاریدا بە فرۆشتنی هەر تۆنێک تۆوی شانداری (گەنمەشامی)
بە ٥٠٠ هەزار دینار بۆ ئەمساڵ و نرخی کڕینی هەر تۆنێک دانەوێڵە بە ٤٠٠ هەزار دینار
بۆ ئەمساڵ.
حکومەت رەزامەندیشی نیشانداوە
بۆ پاڵپشتیکردنی نرخی شانداری (گەنمەشامی) بە رێژەی ٥٠٪ بۆ ئەمساڵ و تەرخانکردنی
پارە بۆی لە یاسای ئاسایشی خۆراکدا.