وەزیری دەرەوەی ئێران پەیوەندیەکی تەلەفونی لەگەڵ هاوتا فەڕەنسییەکەی ئەنجامدا رایگەیاند، رێگە نادەن ئاسایشی نیشتمانیییان بکرێتە ئامانج.
ماڵپەڕی وەزارەتی دەرەوەی ئێران راگیەندراوێکی بڵاوکردووەتەوە و تێیدا هاتووە حسین عەبدوڵڵاهیان وەزیری دەرەوەی ئێران پەیوەندییەکی تەلەفۆنی لەگەڵ کاسرین کۆلۆنا وەزیری دەرەوەی فەڕەنسا ئەنجامداوە.
لە پەیوەندییە تەلەفۆنییەکەدا، عەبدوڵڵاهیان باسی لە خۆپیشاندانەکانی
وڵاتەکەی کردووە و رایگەیاندووە لایەنی سەیری کارەکە لەوەدایە کە کاتێک لە ئەورووپا
دەستوەردان دەکرێت لە یاخیبوونەکاندا کارێکی باشە، بەڵام لە ئێران دەبێتە دەستوەردانی
توند لە خۆپیشاندەران وتوشیەتی، "رێگە نادەین لە ناوەوە و دەرەوە هیچ هێزێک
ئاسایشی نیشتمانییمان بکاتە ئامانج''.
باسی لەوەشکردووە، یاساکانی ئێران رێگەیان بە خۆپیشاندانی
ئاشتییانە داوە و دۆخی ئەوانەی خۆپیشاندانی ئاشتییانە ساز دەکەن جیاوازە لەوانەی
ئاسایشی وڵات، سەر و ماڵی خەڵک دەکەنە ئامانج.
لە پەیوەندییە تەلەفۆنییەکەدا، هەردوو وەزیری دەرەوەی ئێران
و فەڕەنسا، بیروڕایان ئاڵوگۆڕ کرد لە بارەی پێشخستنی پەیوەندییەکان و سەرلەنوێ
چالاککردنەوەی رێککەوتنی ئەتۆمی.