PM:03:54:14/09/2022
2328 جار خوێندراوەتەوە
ئەمینداری گشتی یەكگرتووی ئیسلامی كوردستان رایگەیاند، رێكنەكەوتنی لایەنە سیاسییەکان و پەكخستنی پەرلەمان هێندەی تر عێراقى بەرەو بارودۆخێکى نەخوازراو بردووە.
سەڵاحەدین بەهادین لەمیانى کۆبوونەوەى لەگەڵ ئەندامانی ئەنجوومەنی شورای گشتی حزبەکەى لە هەولێر راشیگەیاند، عێراق و ناوچەكە بە بارودۆخی نەخوازراو و هەستیاردا تێپەڕدەبێت، رێكنەكەوتنی لایەنەكان و پەكخستنی پەرلەمان لە عێراق هێندەی تر دۆخەكەی بەرەو دو رێیان بردوە.
وتیشى، ئێستا لە
هەمووكات زیاتر گەلی كوردی موسڵمان پێویستی بە هۆشیاری و پەروەردەی رەسەنی نەوەكان
هەیە.
ئەوەش لەکاتێکدایە،
نزیکەى ساڵێکە هەڵبژاردنى پەرلەمانى عێراق ئەنجامدراوە و بەهۆى رێکنەکەوتنى لایەنەکان
تا ئێستا نەتوانراوە سەرۆک کۆمار هەڵبژێردرێت و کابینەى نوێى حکومەت پێکبهێنرێت.
