AM:09:12:02/09/2022
1320 جار خوێندراوەتەوە
ئەنجومەنی ئاسایشی نێودەوڵەتی داوای لە لایەنە عێراقییەکان کرد دانبەخۆیاندا بگرن و دەستبکەن بە گفتوگۆ بۆ چارەسەرکردنی دۆخی عێراق.
ئەنجومەنی ئاسایشی نێودەوڵەتی لە راگەیاندراوێکیدا ئاشکراشی کرد، ئەنجومەنەکەیان ئیدانەی ئەو توندوتیژیانەیان کردووە، کە لە رۆژانی ٢٩ و ٣٠ ئاب عێراقی گرتەوە و نیگەرانی خۆیان دەربڕیوە لەبەرامبەر هەبوونی زیانی گیانی و گیان لەدەستدان و برینداربونی هاووڵاتیان.
لە راگەیاندراوەکەیاندا ئاماژەیان بەوەشکردوە، کە ئەوان چاودێری هەوڵەکانی
حکومەتی عێراق دەکەن بۆ گێڕانەوەی سەقامگیریی و باشترکردنی دۆخەکە.
هاوکات داواش لە گشت لایەنەکان دەکات بۆ چارەسەرکردنی لێتێنەگەیشتنەکان بەشێوەیەکی
ئاشتیانە و رێزگرتن لە سەروەری یاسا و مافی گردبوونەوەی ئاشتیانە و خۆ بەدوورگرتن
لە توندوتیژی.