PM:11:15:26/07/2022
2468 جار خوێندراوەتەوە
وەزارەتی تەندروستی هەرێم فەرمانێکی لە بارەی دەوامی ئێشکگری لە نەخۆشخانەکان دەرکرد و ئاماژەی بەوەکردووە، پێویستە تەواوی پزیشکە ئیشکگرەکان و پزیشکی نیشتەجێی دێرین بە بەردوامی لە نەخۆشخانەکان ئامادەییان هەبێت و نابێت لە کاتی دەوامدا نەخۆشخانە جێبهێڵن.
ئەمڕۆ سێشەممە، وەزارەتی تەندروستی فەرمانێکی نوێی لە بارەی دەوامی ئێشکگرییەوە دەرکرد و رایگەیاندووە، کە پێویستە مانگانە خشتەی ئێشکگری بە فەرمانی کارگێڕی دەربچێت و هەڵبواسرێت و لە کاتی گۆڕینەوە پێویستە زووتر بەڕێوەبەرایەتی نەخۆشخانە و سەرۆک و سەرۆکی پزیشکان رەزامەندی لەسەر بدەن و ئاگاداربن و بڵاوبکرێتەوە.
باس لەوەشکراوە، پێویستە تەواوی
پزیشکە ئیشکگرەکان و پزیشکی نیشتەجێی دێرین بە بەردوامی لە نەخۆشخانەکان ئامادەییان
هەبێت و نابێت لە کاتی دەوامدا نەخۆشخانە جێبهێڵن و دەشڵێت، "نابێت پزیشکی ئێشکگر
یاخود نیشتەجیی دێرین لە کلینیکی تایبەتی خۆی یان لە نەخۆشخانەی تایبەت بێت لە رۆژی
ئێشکگرییەکەی.
لە کۆتا خاڵیشدا وەزارەتی
تەندروستی دەڵێت، بەکارهێنانی هێڵەکانی پەیوەندی وەک(ڤایبەر و واتسئاپ و تەلەفۆن)
بۆ راوێژکردن و چارەسەرکردن قەدەغەیە و پێویستە پزیشکی ئێشکگر لە نزیکەوە وردبینی
بۆ نەخۆشەکان بکات.