پۆلیسی سلێمانی رایگەیاند، دوو کوڕی گەنجیان دەستگیرکردووە، کە سێ دەفتەر دۆلار و وێنەی نەشیاویان لە دوو کچ وەرگرتووە، بەبیانووی ئەوەی دەیانبەنە دەرەوەی وڵات و بەو وێنانە کەیسیان بۆ دروستدەکەن.
پۆلیسی سلێمانی رایگەیاندووە، دوو کچەکە چوونەتە بنکە و سکاڵایان تۆمارکردووە لەسەر ئەو دوو گەنجە.
ئاماژەی بەوەشکردووە، ئەو دوو کچە باسیان لەوەکردووە کە بڕی
٣٠ هەزار دۆلاریان لێوەرگرتوون و دواتر كامێرایان پێكردوونه‌ته‌وه و وێنه و ڤیدیۆی نه‌شیاویان
گرتوون گوایه ئه‌و وێنه و ڤیدیۆیانه به‌كارده‌هێنن بۆ دروستكردنی كه‌یس له ده‌ره‌وه‌ی
وڵات بۆیان، به‌ڵام تۆمه‌تباره‌كان هه‌ڕه‌شه‌یان لێكردوون كه ئه‌گه‌ر سكاڵا تۆماربكه‌ن
وێنه و ڤیدیۆكانیان بڵاوده‌كه‌نه‌وه.
ئاماژە
بەوەشکراوە، سه‌ره‌نجام و دوای وه‌رگرتنی بڕیاری دادوه‌ر، توانرا هه‌ردوو تۆمه‌تبار
(م، أ، ع) له‌دایكبووی ١٩٩٠ و (چ، ن، س) له‌دایكبووی ١٩٨٢ كه هه‌ردووكیان خه‌ڵكی
ده‌ره‌وه‌ی شاری سلێمانین له‌لایه‌ن مه‌فره‌زه‌كانی بنكه‌ی پۆلیسی سه‌رچناره‌وه
ده‌ستگیربكرێن و له‌به‌رده‌م دادوه‌ری لێكۆڵینه‌وه‌دا دانیان به‌تاوانه‌كه‌یاندا
ناوه.
ئەوەش خراوەتەڕوو، له ئێستادا هه‌ردوو تۆمه‌تبار به‌بڕیاری
دادوه‌ر ڕاگیراون و دوو په‌ڕاوی لێكۆڵینه‌وه‌یان بۆ كراوه‌ته‌وه و پێشتریش سكاڵایه‌كی
دیكه‌یان له‌سه‌ر تۆماركراوه و بڕیاری ده‌ستگیركردنیان هه‌بووه.