PM:06:49:24/03/2026
148 جار خوێندراوەتەوە
+
-
کۆمۆ لە هەوڵە
بەردەوامەکانی بۆ سەرکەوتن بۆ چامپیۆنز لیگ بەردەوتمە بەڵام دوو کێشەی گەورەی لە
پێشە.
یانەی کۆمۆ کە شۆڕشێکی گەورەی لە خولی ئیتاڵیدا
بەرپا کردووە و بە کۆکردنەوەی 57 خاڵ لە پلەی چوارەمی ڕیزبەندییە و پێش یانەکانی یوڤێنتوس
و ڕۆما کەوتووە ئێستا لەبەردەم مەترسییەکی ڕاستەقینەدایە کە ڕەنگە ڕێگری لێ بکات
لە بەشداریکردن لە چامپیۆنز لیگی وەرزی داهاتوو.
کێشەی
سەرەکی ئەم یانەیە بۆ ژێرخانی وەرزشی و مەرجە توندەکانی یەکێتی تۆپی پێی ئەوروپا دەگەڕێتەوە چونکە یاریگای ئێستای یانەی کۆمۆ لە ڕووی توانای لەخۆگرتنی
هاندەران و ئامادەکارییە ئەمنی و میدیاییەکانەوە لەگەڵ پێوەرە نێودەوڵەتییەکاندا
ناگونجێت و ئەمەش وا دەکات یانەکە ناچار بێت لە دەرەوەی شارەکەی خۆی یارییە
ئەوروپییەکانی ئەنجام بدات.
لە حاڵەتی سەرکەوتندا یانەی کۆمۆ لەبەردەم دوو
بژاردەدایە کە یەکەمیان نۆژەنکردنەوەی خێرای یاریگاکەیەتی کە تێچوویەکی زۆر و
کاتێکی زۆری دەوێت یان گواستنەوەی یارییەکانی بۆ یاریگایەکی تری پەسەندکراو لە ناو
ئیتاڵیا کە ئەمەش دەبێتە هۆی بێبەشبوونی یانەکە لە سوود وەرگرتن لە زەوی و
هاندەرانی خۆی.
جگە لە کێشەی یاریگا یانە ئیتاڵییەکە ڕووبەڕووی
تەحەددیاتی تری وەک پابەندبوون بە یاساکانی یاری خاوێن و ئامادەکارییە کارگێڕی و
بازرگانییەکان دەبێتەوە کە پێویستن بۆ بەشداریکردن لە پاڵەوانێتییەکی گەورەی وەک
چامپیۆنز لیگ و ئەمەش وای کردووە خەونە ئەوروپییەکەی کۆمۆ لەگەڵ کۆمەڵێک ئاستەنگی
یاسایی و تەکنیکیدا بەرەوڕوو ببێتەوە.