PM:01:41:04/02/2022
19228 جار خوێندراوەتەوە
ئەمشەو لەسەر رێگای هەولێر-کەسنەزان ئۆتۆمبێلێک بەهۆی تیژڕۆیی کۆنتڕۆڵ لەدەستدەدات و لەناوەڕاستی شەقامەکەدا دەسوڕێت و خۆی بە ئۆتۆمبێلێکی وەستاودا دەکێشێت، کە بەهۆیەوە دوو کەسیش برینداربوو.
فازڵ حاجی وتەبێژی هاتوچۆی هەولێر ڤیدیۆی رووداوەکەی بڵاوکردووەتەوە و دەڵێت، "کاتژمێر ١١ و ٣٠ خەلوکەی شەوی ڕابردوو لەسەر ڕێگای هەولێر-کەسنەزان، ئۆتۆمبێلێکی جۆری بی ئێمی تایبەت بەهۆی تیژڕۆیی و نەهێشتنەوەی ماوەی بێوەیی کۆنترۆڵی لەدەستدا."
ئەوەش هاتووە،
"کاتێک هەوڵیدا خۆی بەدوور بگرێت لەخۆکێشان بەئۆتۆمبێلێکی پێش خۆی، لەئەنجامدا
بۆلای ڕاستی شەقام ڕۆیشت و خۆی کێشا بە ئۆتۆمبێلێکی پارککراودا."
فازڵ حاجی نووسیویشییەتی،
"لەسەرەئەنجامی ڕووداوەکەش شۆفێر و سەرنشینەکەی زامدار بوون و زیانیش بەدوو ئۆتۆمبێل
گەیشتووە"، فازڵ حاجی دەڵێت، "ئەو ڕووداوە ئەگەر سەیرێکی بکەین پێمان دەڵێت
کەپەلەکردن و زۆر نزیکبوونەوە لە ئۆتۆمبێلەکانی پێشمان بۆ هەمیشە ئەگەری کارەساتی
لێدەکەوێتەوە."
