دڵشاد گۆران پەیامنێری ئێن ئاڕ تی لە بەغدا رایگەیاند، دانیشتنی پەرلەمانی عێراق هەڵگیرا و تاوەکو ئەم ساتەش چوارچێوەی هەماهەنگی دەڵێن، کە ئەنجامەکانیان قبوڵ نییە.
چوارچێوەی هەماهەنگی ٨٨ پەرلەمانتاریان هەیە و خۆیان بە گەورەترین لایەنی ناو پەرلەمان دەزانن و لە بەرامبەریشدا لایەنی سەدر دەڵێن ئەوان گەورەترین کوتلەی پەرلەمانن و ٧٣ کورسی پەرلەمانیان هەیە.
پاش هەڵبژاردنی محەمەد حەلبوسی بە سەرۆکی پەرلەمانی
عێراق؛ حاکم زاملی لە فراکسیۆنی سەدر بە جێگری یەکەمی سەرۆکی پەرلەمان ھەڵبژێردرا.
لە سەرەتای دانیشتنەکەدا گرژی دروستبوو و مەحمود مەشهەدانی
سەرۆکی کاتی پەرلەمان بۆ نەخۆشخانە گواسترایەوە.
پاش ئەوەی جارێکی دیکە دانیشتنی پەرلەمانی عێراق دەستیپێکردەوە
و خالید دەراجی دانیشتنەكەی وەک سەرۆکی کاتیی بەڕێوەبرد و لە یەکەم کاریشیدا هەڵبژاردنی
سەرۆکی پەرلەمان بوو، کە محەمەد حەلبوسی بە سەرۆکی پەرلەمان هەڵبژێردرایەوە و کاندیدی
بەرامبەری مەحمود مەشهەدانی بوو.
لە دەنگدانەکەدا ٢٢٨ لە کۆی ٣٣٢ پەرلەمانتار دەنگیان داوە
و محەمەد حەلبوسی ٢٠٠ دەنگی بەدەستهێناوە و مەحمود مەشهەدانی ١٦ دەنگی بەدەستهێناوە
و ١٤ دەنگیش پوچەڵ بووە.
لە دانیشتنەکەدا هەریەکە لە یەکێتی و چوارچێوەی هەماهەنگی
بەشدار نەبوون و دەنگیان نەدا.
دەبێت ئەو کەسەی دەبێتە سەرۆکی پەرلەمان ٥٠+١ی دەنگی پەرلەمانتاران
بەدەستبهێنێت، واتە ١٦٥ دەنگ لە کۆی ٣٢٩ پەرلەمانتاری ئامادەبوو بەدەستبهێنێت.
دواتر لەماوەی ١٥ رۆژدا دەبێت سەرۆک کۆمار هەڵبژێردرێت و پاشان سەرۆک کۆمار کەسێک
بۆ پێکهێنانی حکومەت رابسپێرێت.