PM:12:29:25/08/2026
780 جار خوێندراوەتەوە
کۆمپانیای گەڵف کیستۆن پترۆلیۆم دەستپێکردنەوەی پرۆسەی بەرهەمهێنان و هەناردەکردنی نەوتی لە هەرێمی کوردستان ڕاگەیاند و بەرهەمی رۆژانەی بەرەو بەرزبوونەوە دەچێت و لە ٤٠ هەزار بەرمیل نزیکدەبێتەوە.
بەپێی ڕاپۆرتی دارایی شەش مانگی یەکەمی ئەمساڵی کۆمپانیاکە کە لە کێڵگەی نەوتی شێخان کاردەکات، لە دوای درێژکردنەوەی ڕێککەوتنە کاتییە سێقۆڵییەکە لە ٢٠ی تەمموزەوە، بەرهەمهێنان دەستپێکردووەتەوە و لە ئێستادا لە ٤٠ هەزار بەرمیلی رۆژانە نزیک دەبێتەوە.
لە ماوەی ئەو شەش مانگەدا داهاتی
کۆمپانیاکە گەیشتووەتە ٨٢ ملیۆن و ٨٠٠ هەزار دۆلار و خەرجییەکانیش، بە رێژەی ٪٢٥
کەمکرابوونەوە، لە کاتێکدا توانای بەرهەمهێنانی کێڵگەی شێخان دەگاتە ٥٥ هەزار
بەرمیل لە رۆژێکدا.
