PM:06:17:23/08/2026
6836 جار خوێندراوەتەوە
پاشنیوەڕۆی ئەمڕۆ ئەندازیارێك و چەند کرێکار لە پڕۆژەیەکی نیشتەجێبوون لە شاری سلێمانی کەوتنە ناو چاڵێك، بەهۆی رووداوكە کەسێک گیانی لەدەستداوە و چوار کەسی دیکەش بریندار بوون.
ئەمڕۆ یەکشەممە ٢٣ـی ئابی ٢٠٢٦، سامان لەتیف، وتەبێژی تەندروستیی سلێمانی هەواڵەکەی بۆ ئێن ئاڕ تی پشتڕاستکردەوە و ڕایگەیاند، کە لە ئەنجامی ڕووداوەکەدا گەنجێکی تەمەن ٣١ ساڵ کە خەڵکی دەربەندیخانە گیانی لەدەستداوە.
سەبارەت بە دۆخی
تەندروستیی بریندارەکان، ئاماژەی بەوە کرد کە چوار کەس لە ڕووداوەکەدا بریندار
بوون یەکێکیان باری تەندروستیی جێگیرە و سێ بریندارەکەی دیکە ڕەوانەی بەشی فریاکەوتنی
نەخۆشخانەی شار کراون و لەژێر چاودێریی پزیشکیدان.
