قائیمقامیەتی سلێمانی ڕایگەیاند، کێشەی کەمی غاز لە سلێمانی نییە و دەشڵێت، لەسەر داوای کارگەکان و بە رەزامەندی قائیمامیەت بریکارەکانی فرۆشتنی غاز دەتوانن بتڵی سێیەم بدەنە هاوڵاتیان.
ئەمڕۆ یەکشەممە ٢٣ـی ئابی ٢٠٢٦، قائیمقامیەتی سلێمانی بڵاویكردەوە، بەپێی ئەو سیستمەی دیاریکراوە و لە ڕێگەی کۆبوونی خۆراکەوە وەکیلەکانی دابەشکردنی غاز، بتڵی سێیەم دەدەن بە هاوڵاتیان.
هاوکات وەرزێر
عەبدوڵا، نوێنەری کارگەکانی غاز رایگەیاند، لەسەر داوای کارگەکان و بە رەزامەندی
قائیمقامی سلێمانی، وەکیلەکانی فرۆشتنی غاز دەتوانن بتڵی سێیەمی غازی ماڵان بدەن بە
دانیشتوانی سلێمانی.
ئەو نوێنەرە
ئاماژەی بەوەشکردووە، "ئێستا هیچ کێشەیەکی غاز نییە و رۆژانە لە کێڵگەی (کۆرمۆر)ەوە
بڕی پێویست دەگات".
لای خۆیەوە عومەر عەبدوڵا، سەرپەرشتیاری لیژنەی دابەشکردنی غاز، ڕایگەیاندووە کە لە ئێستاوە هەر خێزانێک مانگانە سێ بوتڵ غاز وەردەگرێت و دابەشکردنی بوتڵی سێیەم بە فۆڕم دەستیپێکردووە و نرخی هەر بتڵێکیش بە فەرمی هەشت هەزار و ٥٠٠ دینارە.
ئامانجی سەرەکی ئەم بڕیارە بریتییە لە پاشەکەوتکردنی غاز بۆ وەرزی زستان و سەرمای زۆر، بۆ ئەوەی قەیران دروست نەبێت.