ئەمینداری گشتیی ڕێکخراوی بەدر، داوای لە لایەنە پەیوەندیدارەکان کرد کە خۆیان بەدوور بگرن لە بەکارهێنانی زمانی توند و وتاری گرژی سیاسی، هاوکات پێوەرێکی نوێی بۆ شەرعییەتی هەڵگرتن و بەکارهێنانی چەک لە وڵاتدا دیاری کرد.
ئەمڕۆ سێشەممە ١٨ـی ئابی ٢٠٢٦، هادی عامری، لە بەیاننامەیەکدا کە تایبەت بوو بە پێشهاتە سیاسی و ئەمنییەکان، جەختی لەسەر پێویستیی هێورکردنەوەی کەشی گشتی کردەوە.
ئاماژەی بەوەکرد، کە شەرعییەتی چەک بە تەنیا لە
بۆشاییدا دروست نابێت، بەڵکوو بەندە بە ئاستی پابەندبوون و وەدیهێنانی
بەرژەوەندییە باڵاکانی نیشتمانەوە.
ناوبراو
ڕوونیشی کردەوە کە هەر چەکێک شەرعییەتی ڕاستەقینەی خۆی لەوەوە وەردەگرێت کە تا
چەند لە خزمەت پاراستنی ئاسایشی نیشتمانی و بەرژەوەندیی گشتیدایە.
هاوکات هۆشداری
دا لەوەی پەنادان بۆ وتاری ئاڵۆزکار و گرژ، کاریگەریی نەرێنی لەسەر سەقامگیریی
وڵات دروست دەکات و پێویستە بەرژەوەندیی باڵای نیشتمان لەسەرووی هەموو دەنگە
ناکۆکەکانەوە دابنرێت.