فرۆشتنەوەى قازانج بەناوى پاڵپشتى؛ ئێن ئاڕ تى قازانجى فرۆشتنى بەنزینى ٧٥٠ دینارى بۆ پاڵاوگەکانى پارتى و حکومەتى ماوە بەسەرچوو ئاشکرادەکات.
پاش فشارەکان لە بەغداوە، حکومەتی ماوەبەسەرچوو، بڕى بەرهەمهێنانى بەنزینى ٧٥٠ دینارى لەرێگەى پاڵاوتنى ٥٠ هەزار بەرمیلەکەوە لە ملیۆنێک و ٧٠٠ هەزار لیترى رۆژانەوە بۆ سێ ملیۆن و ٥٠٠ هەزار لیتر بەرزکردەوە.
بەپێی بەدواداچوونى ئێن ئاڕ تى، تێچووى بەرهەمهێنانى لیترێک بەنزین ٣٠٠
دینارە لەهەر لیترێک ٤٥٠ دینار قازانج دەکەن، کەواتە قازانجى رۆژانەى فرۆشتنى
بەنزین لە ئێستاداملیارێک
و ٥٧٥ ملیۆن دینارە و لە مانگێکدا دەکاتە٤٧ملیار و ٢٥٠ ملیۆن دینار.
سەربارى ئەوە،
پاڵاوگەکان و حکومەتی ماوەبەسەرچوو لەو ٥٠ هەزار بەرمیل نەوتە جگە لە قازانجی
بەنزین، داهاتێکی زۆرى لەفرۆشتنەوەى نەوتی سپی و گازوایل و بەرهەمی دیکەی سوتەمەنی
بە نرخى بازرگانى بەهاوڵاتیان دەستدەکەوێت، کە کەس نازانێت چی لێدەکرێت و لە چیدا
خەرج دەکرێت.
هەرێم لە ٢٧/٩/٢٠٢٥ـەوە
و بەپێی رێککەوتنەکەى لەگەڵ بەغدا، رۆژانە ٥٠ هەزار بەرمیل نەوت گلدەداتەوە بەناوى
پێداویستى ناوخۆییەوە و تا ئێستا زیاتر لە ١٦ ملیۆن لیترى گلداوەتەوە، بەڵام نرخى
بەنزین و سوتەمەنى لەبەغدا زۆر گرانترە، لەکاتێکدا بەغدا ئامادەیی دەربڕیوە ئەگەر
ئەو بڕەى رادەستبکات بەنزینى ٤٥٠ دیناریی و سوتەمەنى بە نرخى هەرزان بۆ
هەرێم دابین دەکات. بەڵام هەرێم رادەستکردنى رەتدەکاتەوە.