PM:07:07:17/08/2026
808 جار خوێندراوەتەوە
سەرۆکایەتیی پەرلەمانی عێراق سەرکۆنەی ئەو هێرشە دەکات کە کرایە سەر نووسینگەی مەسرور بارزانی، و شوێنی نیشتەجێبوونی بەڕێوەبەری دەزگای هەواڵگریی هەرێم، جەختدەکاتەوە ئەم هێرشە پێشهاتێکی مەترسیدار و رەتکراوەیە کە دەستدرێژییە بۆ سەر سەروەریی عێراق، ئاسایشی هاووڵاتییان و سەقامگیریی دامەزراوەکانی دەوڵەت.
ئەمڕۆ دووشەممە ١٧ـی ئابی ٢٠٢٦، سەرۆکایەتیی پەرلەمانی عێراق لە راگەیەندراوێکدا، هێرشەکەی ئەم دواییەی بۆ سەر هەرێمی کوردستان بە پێشهاتێکی مەترسیدار وەسف کرد و رایگەیاند، سەرۆکایەتیی پەرلەمان سەرکۆنەی ئەو دەستدرێژییە دەکات کە نووسینگەی تایبەتی مەسرور بارزانی، و شوێنی نیشتەجێبوونی بەڕێوەبەری ئاژانسی هەواڵگریی لە هەرێم کردە ئامانج.
ئاماژەی
بەوەشکردووە، ئەم هێرشە پێشهاتێکی مەترسیدار و رەتکراوەیە کە دەستدرێژییە بۆ سەر سەروەریی
عێراق، ئاسایشی هاوڵاتییان و سەقامگیریی دامەزراوەکانی دەوڵەت.
لە راگەیەندراوەکەدا
جەخت لە ئاسایشی هەرێمی کوردستان بەشێکی دانەبڕاوە لە ئاسایشی تەواوی عێراق کردەوە؛
هاوکات ئەوەی خستووەتەڕوو، بە ئامانجگرتنی هەر بەشێک لە خاکی وڵات، یاخود بەرپرسان
و دامەزراوە فەرمییەکانی، بە هیچ شێوەیەک و لەژێر هیچ پاساو و بارودۆخێکدا قبووڵکراو
نییە.
داواش دەکات دەزگا
ئەمنییە پەیوەندیدارەکان دەکات دەستبەجێ بەدواداچوون بۆ وردەکاری و لێکەوتەکانی ئەم
دەستدرێژییە بکەن، و رێکاری پێویست بۆ پاراستنی سەروەریی نیشتمانی و رێگریکردن لە
دووبارەبوونەوەی بگرنە بەر.
