AM:10:30:17/08/2026
512 جار خوێندراوەتەوە
سەرۆکی دەستەی گشتیی گومرگەکانی عێراق ڕایگەیاند، لە مانگی تشرینی یەکەمەوە جێبەجێکردنی سیستمی ئەلیکترۆنیی ئەسیکۆدا لە دەروازە سنورییەکانی هەرێم دەستپێدەکات و بەپێی نەخشەڕێگەیەک تا کۆتایی ئەمساڵ لە سەرجەم دەروازەکاندا جێبەجێ دەکرێت.
ئەمڕۆ دووشەممە ١٧ـی ئابی ٢٠٢٦، سامر قاسم داود، سەرۆکی دەستەی گشتیی گومرگەکانی عێراق وتی، بە فەرمانی سەرۆک وەزیران و وەزیری دارایی، ئامادەکاری کراوە بۆ جێبەجێکردنی سیستمی ئەلیکترۆنیی ئەسیکۆدا لە دەروازە سنوورییەکانی هەرێمی کوردستان و بڕیارە ڕێکارە کردارییەکانی لە مانگی تشرینی یەکەمی داهاتووەوە دەستپێبکەن.
وتیشی، لە
کۆبوونەوەی داهاتووی ئەنجومەنی وەزیرانی عێراقدا نەخشەڕێگەیەک بۆ
بەئەلیکترۆنیکردنی دەروازەکان و داخستنی دەروازە نافەرمییەکان پەسەند دەکرێت.
ئاماژەی
بەوەشکرد، بەگەڕخستنی ئەم سیستمە لە هەرێمی کوردستان، بەلایەنی کەمەوە ٥٠٪ی داهاتی
دەروازەکان بۆ خەزێنەی دەوڵەت دەگەڕێنێتەوە و داهاتە گومرگیییەکان بۆ هەرێم و
حکومەتی فیدراڵیش بەهێزتر دەکات.
عێراق لە مانگی
١٠دا سیستمی ئەسیکۆدا لە دەروازەکانی هەرێم دەستپێدەکات و جێبەجێکردنی سیستەمەکە
٥٠٪ی داهاتەکان بۆ خەزێنەی دەوڵەت دەگەڕێنێتەوە و دەروازە نافەرمییەکانیش
دادەخرێن.
