PM:10:49:16/08/2026
1272 جار خوێندراوەتەوە
بەڕێوەبەرایەتیی نەوت و کانزاکانی هەولێر دەڵێت، دابەشکردن و چاودێریکردنی بەنزینخانەکان پەیوەندی بە ئەوانەوە نەماوە و چیتر لیستی بەنزینی ٧٥٠ دیناری بڵاوناکەنەوە. پێشتریش ئێن ئاڕ تی ئاشکرای کرد کە کە فرۆشتنی بەنزینە ٧٥٠ دینارییەکە ڕادەستی دوو کۆمپانیای پارتی کراوە و ئەوان سەرپەرشیی فرۆشتنی دەکەن.
ئەمڕۆ یەکشەممە ١٦ـی ئابی ٢٠٢٦، بەڕێوەبەرایەتی نەوت و کانزاکانی هەولێر بڵاویکردووەتەوە، ئیتر لیستی بەنزینی ٧٥٠ دیناری بڵاوناکەنەوە.
ئاماژەی
بەوەشکردووە، دابەشکردن و چاودێری کردنی بەنزینخانەکان پەیوەندی بە لیژنەکانی
بەڕێوەبەرایەتیەکەیانەوە نەماوە.
ئەوەش لە
کاتێکدایە، پێشتر ئێن ئاڕ تی ئاشکرای کرد، کە فرۆشتنی بەنزینە ٧٥٠ دینارییەکە لە
سامانە سروشتییەکانەوە ڕادەستی دوو کۆمپانیای پارتی کراوە و ئەوان سەرپەرشیی فرۆشتنی
دەکەن.
