نێچیرڤان بارزانی، بە بۆنەی ٨٠ ساڵەی دامەزراندنی پارتی و یادی ١٦ـی ئابەوە پەیامێکی پیرۆزبایی بڵاو کردەوە و تێیدا جەخت لەسەر بەرپرسیاریەتیی نیشتمانیی پارتی وەک پێشەنگی تەبایی و پێکەوەژیان دەکاتەوە.
ئەمڕۆ یەکشەممە ١٦ـی ئابی ٢٠٢٦، نێچیرڤان بارزانی سەرۆکی هەرێم، پەیامێکی پیرۆزبای بڵاوکردەوە و ئاماژەی بەوەشکرد جەخت لە ئەرکی بەرپرسیارێتی پارتی دەکاتەوە کە پێویستە بەردەوام پارتی خۆی لەگەڵ گیانی سەردەم نوێ بکاتەوە و برەو بە دامەزراوەییبوون بدات تا وەک گەرەنتیی سەرەکیی مافە ڕەواکانی گەلی کوردستان بمێنێتەوە.
وتیشی، "لەم وێستگە مێژوویییەدا، بە ئومێد
و بڕوایەکی بههێزهوه بەڵێنی بەردەوامیی کار و کۆشش لەپێناو ئامانجە باڵاکانی گەلى
كوردستاندا دووپات دەکەینەوە".
ئاماژەی بەوەکرد، "ئەمڕۆش دوای هەشت دەیەی
پڕ لە قوربانیدان و دەستکەوتی مەزن، بە هەمان گوڕوتین و بەرپرسایەتیی مێژوویییەوە،
له خهباتى بەردەوامدایە بۆ پاراستنی دەستکەوتە دەستوورییەکان و بەدیهێنانی
داهاتوویەکی باشتر بۆ گهلى كوردستان".
ڕوونیکردەوە، "لەم یادەدا جەخت لەسەر بەرپرسیاریەتیی
نیشتمانیی پارتی دەکەینەوە وەک پێشەنگ و داینەمۆی پتهوکردنی تەبایی، پێکەوەژیان و
کۆکهرهوهى گهلى كوردستان به تهواوى پێكهاتهكانییهوه. پارتی هەمیشە دەستپێشخەر
دەبێت بۆ تێپەڕاندنی ئاڵنگارییەکان و گۆڕینیان بۆ دەرفەتی خزمەتکردنی نیشتمان".