AM:11:55:14/08/2026
472 جار خوێندراوەتەوە
مەزڵوم عەبدی ڕایگەیاند، لەگەڵ نێردراوی سەرۆکایەتیی سووریا و فەرماندەی فەیلەقی دووەم کۆبووەتەوە و تاوتوێی ئاسایشی پارێزگای حەسەکە و ڕەوشی ئاوارەکان و پرۆسەی تێکەڵکردنەوەیان کردووە.
ئەمڕۆ ٨ـی ئابی ٢٠٢٦، مەزڵووم عەبدی فەرماندەی گشتیی هێزەکانی سوریای دیموکرات هەسەدە ڕایگەیاند، پێشوازی لە زیاد ئەلعایەش، نێردراوی سەرۆکایەتیی سووریا و عەواد ئەلجاسم، فەرماندەی فەیلەقی دووەم کردووە. لە هەژماری فەرمیی خۆی لە تۆڕی کۆمەڵایەتیی ئێکس بڵاوی کردەوە.
هەروەها ئاماژەی بەوەش کرد، لە سەردانەکەدا تاوتوێی ژمارەیەک دۆسیە و پرسی
گرنگی پەیوەندیدار بە ئاسایش و سەقامگیریی پارێزگای حەسەکە کراوە.
مەزڵووم عەبدی، جەختی کردەوە کە لە کۆبوونەوەکەدا
گەیشتوونەتە کۆمەڵێک چارەسەر و کەشوهەوایەکی ئەرێنی و هەنگاوی جدییان بەدی کردووە
بەرەو چارەسەرکردنی ئەو دۆسیانە، بە جۆرێک کە لە خزمەتی ئاسایش و سەقامگیریی پارێزگای
حەسەکەدا بێت.
