سەبارەت بە کەشوهەوای سبەینێش ئاماژەی بەوەکرد، کاریگەری شەپۆڵی باران بارین لەسەر ناوچەکە زیاد دەکات، سەنتەری پارێزگای دهۆک، ئەگەری باران بارینی بە لێزمەی هەیە و سەنتەری پارێزگای هەولێر، سلێمانی، کرکووک، هەڵەبجە بارانبارین لەسەرخۆ و نمە بارانی پچڕ پچڕی دەبێت، لە هەندێ کاتدا ئەگەری هەورە تریشقەش هەیە، زۆرترین رێژەی دابارین لە (ئاکرێ، مێرگەسوور، بجیل، سیدەکان و پیران ) دەبێت و پێشبینی دەکەن لە سەرووی ٤٠ ملم بێت .

وتیشی، کەشی ناوچەکە هەوری دەبێت و لە سەرجەم ناوچەکان باران دەبارێت، رێژەی دابارین لە سنووری ئیدارەی (سۆران و راپەڕین و زاخۆ) زیاتر دەبێت هەروەها باران بە شێوەی بارانی مامناوەند و هەندێ کات لێزمە باران دەبێت، لەگەڵ بەفر بارین لەسەر ناوچە سنوورییە شاخاوییەکان و پێشبینی زیاد بوونی با دەکرێت و لە هەندێ کاتدا دەگاتە سەرووی ٢٥ کم لە کاتژمێرێکدا.

بەرزترین پلەی گەرمای پێشبینیکراویش بەم شێوەیەیە:

سلێمانی : ٩ پلەی سیلیزی

هەولێر : ١٢ پلەی سیلیزی

پیرمام : ٩ پلەی سیلیزی

سۆران : ٨ پلەی سیلیزی

حاجی ئۆمەران: ٤ پلەی سیلیزی

چەمچەماڵ : ١١ پلەی سیلیزی

هەڵەبجە : ١١ پلەی سیلیزی

دهۆک : ١٢ پلەی سیلیزی

زاخۆ : ١٣ پلەی سیلیزی

ئاکرێ : ١٠ پلەی سیلیزی