PM:05:33:31/01/2026
988 جار خوێندراوەتەوە
مەسعود بارزانی رایگەیاند، "داوا لە حکومەتی سووریا و هەسەدە دەکەم پابەندی ئاگربەست بن و پشت بە دیالۆگ ببەستن". دەشڵێت، "پێویستە کۆمەڵگەی نێودەوڵەتی بەرپرسیارێتی خۆی جێبەجێ بکات".
ئەمڕۆ شەممە ٣١ـی کانونی دووەمـی ٢٠٢٦، مەسعود بارزانی، سەرۆکی پارتی لە پەیامێکدا سەبارەت بە پشتیوانی کوردانی رۆژئاوا دەڵێت، " گەلی کورد یەک نەتەوەیە و یەک چارەنووسیشمان هەیە، دەبێت هەر کوردێک پشتیوانیی کوردی رۆژئاڤا بێت".
سەبارەت بە ئاگربەستی دیمەش و هەسەدە باسی لەوەکردووە، "داوا لە حکومەتی
سووریا و هەسەدە دەکەم پابەندی ئاگربەست بن و پشت بە دیالۆگ ببەستن، هەروەها مافەکانی
گەلی کورد لە دەستووری سووریادا جێگیر بکرێن".
ئاماژەی بەوەشکردووە، پێویستە کۆمەڵگەی نێودەوڵەتی
بەرپرسیارێتی خۆی جێبەجێ بکات.
