PM:04:41:28/01/2026
952 جار خوێندراوەتەوە
بەڕێوەبەری گشتی بەنداوەكان و كۆگاكردنی ئاوی هەرێم دەڵێت، لەمساڵدا بەراورد بەساڵی رابردوو رێژەیەكی زۆرزیاتر باران باریوە، بەوهۆیەشەوە زیاتر لە ٣٠٠ ملیۆن مەتر سێجا ئاو رژاوەتە بەنداوەكان و رێژەكەش زیاتر روولەبەرزبوونەوە دەكات.
رەحمان خانی، بەڕێوەبەری گشتی بەنداوەكان و كۆگاكردنی ئاو لە هەرێم رایگەیاند، تا ئێستا بەهۆی ئەو شەپۆلی باران و بەفرەی كە ناوچەكانی هەرێمی كوردستانی گرتووەتەوە، ئاستی ئاوی ژمارەیەك بەنداو بەڕێژەی لە ٢٠٠٪ زیادیان كردووە، كە ئەوەش رێژەیەكی زۆرباشە و هێشتاش كاتێكی زۆر ماوە بۆ دابارینی بەفرو باران لەمساڵدا.
ئاماژەی بەوەشكرد،
ئەگەر ساڵی رابردوو ١٠٠ ملیۆن مەترسێجا ئاو هاتبێتە ناو بەنداوەكانەوە، ئەوا ئەمساڵ
٣٠٠ ملیۆن مەترسێجا ئاو هاتووەتە ناو بەنداوەكان و رێژەی ئاوی بەنداوەكانی بەڕێژەیەكی
بەرچاو بەرزكردووەتەوە.
بەڕێوەبەری
گشتی بەنداوەكان و كۆگاكردنی ئاو لەهەرێمی كوردستان ئەوەشی خستەڕوو، ئەو ماوەی كە
ناوە بۆ وەرزی دابارین لە ئەمساڵدا لە بەفرو باران دەتوانین رێژەیەكی زۆر زیاتر لە
ئاو لە بەنداوەكان كۆگابكرێت.
