PM:01:28:25/01/2026
904 جار خوێندراوەتەوە
میدیاکانی ئیسرایل دەڵێن، بەمزوانە ئیسڕایل و سوریا لە پاریس بە نێوەندگیری ئەمریکا کۆدەبنەوە بۆ تەواوکردنی رێککەوتننامە ئەمنیەکەی نێوانیانن و هاوکات، تا کۆتایی ئەمساڵێش باڵیۆزخانەی ئیسڕایل لە سوریا دەکرێتەوە.
ئەمڕۆ یەکشەممە ٢٥ـی کانونی دووەمی ٢٠٢٦، میدیاکانی ئیسڕایل بڵاویانکردەوە کە بڕیارە لە نزیکترین کاتدا دووبارە ئیسڕایل و سوریا بە نێوەندگیری ئەمریکا لە پاریس کۆببنەوە بەمەبەستی تەواوکردنی رێککەوتننامە ئەمنیەکەی نێوانیان.
دەشڵێن، دانوستانەکان لەنێوان هەردوولادا
بەردەوامدەبێت لەسەر پڕۆژە ستراتیژیەکانی نێوانیان لەو ناوچانەی کە لەنێوان
هەردوولادایە و بە ناوچەی داماڵراو دادەنرێت.
وتیشیان، بەپێی زانیاریەکان بڕیارە تاکو
کۆتایی ئەمساڵ باڵیۆزخانەی ئیسڕائیل لە سوریا بکرێتەوە و سوریاش بەم نزیکانە بچێتە
نێو پەیماننامەی ئیبراهیمیەوە.
