PM:05:01:08/01/2026
1028 جار خوێندراوەتەوە
هێزەکانی ئاسایشی ناوخۆ دەڵێت، لە شاری حەلەب هێرشێکی وشکانی و ئاسمانیی بەرفراوانی چەکدارانی سەر بە حکوومەتی سوریایان بۆ سەر گەڕەکەکانی شێخ مەقسوود و ئەشرەفییە تێکشکاند و زیانێکی زۆری گیانی و سەربازییان بە هێرشبەرەکان گەیاند.
ئەمڕۆ پێنجشەممە ٨ـی کانوونی دووەمی ٢٠٢٦، دوای سێ رۆژ لە تۆپبارانی چڕ بە تانک و موشەکی گراد، چەکدارانی سەر بە حکومەتی دیمەشق هێرشێکی گشتگیریان بۆ سەر ناوچەکانی نیشتەجێبوونی هاوڵاتییان دەستپێکرد.
هێرشەکە بە
بەشداریی زیاتر لە ٦٠ تانک و زرێپۆش و هەزاران چەکدار و بە پاڵپشتیی فڕۆکەی
بێفڕۆکەوان ئەنجامدرا، بەڵام لە بەرەکانی ئەشرەفییە، کاستێلۆ و گۆڕستانەکان، رووبەڕووی
بەرگرییەکی توند بوونەوە.
لە ئەنجامی ئەم
بەرپەرچدانەوەیەدا، تانکێک و پێنج ئۆتۆمبێلی سەربازیی هێرشبەرەکان بە تەواوی
تێکشکێنران و حەوت فڕۆکەی بێفڕۆکەوانی خۆکوژیش خرانە خوارەوە، هاوکات دەیان
چەکداری هێرشبەر کوژران و چەکدارەکانیان ناچار بە راکردن و پاشەکشە کران.
