PM:05:29:30/12/2025
896 جار خوێندراوەتەوە
بەڕێوەبەرایەتیی چاککردنەوە و پاراستنی رێگاوبانی هەولێر هۆشداری بە هاوڵاتییان و گەشتیاران دەدات و دەڵێت، ئەوانەی لە دەرەوەی شارن بگەڕێنەوە ماڵەکانیان.
ئەمڕۆ سێشەممە ٣٠ـی کانوونی یەکەمی ٢٠٢٥، بەڕێوەبەرایەتیی چاککردنەوە و پاراستنی رێگاوبانی هەولێر هۆشداری بە هاوڵاتییان و گەشتیاران دەدات، ئەوانەی رێگەی دەرەوە بەکاردەهێنن، زوو بگەڕێنەوە و پێش ئەوەی شەو دابێت و شەقامەکان ببەستێت و ببێتە بەستەڵەک.
هەروەها
ئاماژەی بەوەکردووە، تیمەکانیان بەدرێژای شەو دەستدەکەن بە لێدان و پرژاندنی
خوێ لە رێگەکان، بۆ ئەوەی یارمەتی تیمەکان بدەن لە کارەکانیاندا.
ئەوەش لە
کاتێکدایە، لە رۆژی شەممەوە، شەپۆلێکی بەفر و باران ناوچە جیاوازەکانی هەرێمی
کوردستانی گرتووەتەوە و دوێنێ دووشەممە بەفر بارین زۆربەی ناوچەکانی گرتەوە،
بەهۆیەوە ژمارەیەکی زۆری هاوڵاتییان لە رێگەدا ماون.
