وەزارەتی دارایی حکومەتی ماوەبەسەرچوو لیستی مووچەی مانگی ١٠ـی بڵاوکردەوە، بە گوێرەی لیستەکەش، سبەینێ دووشەممە، مووچەی وەزارەتەکانی خانەنشینانی شارستانی و خاوەن پێداویستی تایبەت و زیندانە سیاسیەکان و بەرکەوتووانی کیمیاباران و کەسوکاری شەهیدان و ئەنفالکراوان و پەروەردە و تەندروستی و خوێندنی باڵا دابەشدەکرێت.
ئەمڕۆ شەممە ٢٩ـی تشرینی دووەمی ٢٠٢٥، وەزارەتی دارایی و ئابووری حکومەتی ماوەبەسەرچوو، لیستی مووچەی مانگی ١٠ـی مووچەخۆرانی هەرێمی بڵاوکردەوە و تێیدا هاتووە، سبەینێ دووشەممە ٢٩ـی کانونی یەکەمی ٢٠٢٥، دەست بە دابەشکردنی مووچە دەکرێت.
بەپێی لیستەکە،
سبەینێ دووشەممە: مووچەی
خانەنشینی شارستانی و خاوەن پێداویستی تایبەت، زیندانە سیاسییەکان و بەرکەوتوانی
کیمیاباران و کەسوکاری شەهیدان و ئەنفالکراوان و پەروەردە و تەندروستی و خوێندنی
باڵا دابەش دەکرێت.
سێشەممە ٣٠ـی
کانونی یەکەمی ٢٠٢٥:
مووچەی
وەزارەتەکانی مافی مرۆڤ و دەستەی دەستپاکی و دەستەی وەبەرهێنان و دەستەی ژینگە،
دەزگای مین و ناوچەکانی دەرەوەی هەرێم و کۆمیسیۆنی باڵای هەڵبژاردنەکان و دیوانی
چاودێری دارایی، خاوەن پێداویستی تایبەت و ئاوادانکردنەوە و نیشتەجێکردن، دارایی و
ئابووری، ناوخۆ،داد و ئەنجومەنی دادوەری، پلاندانان، بازرگانی و پیشەسازی،
سامانە سروشتییەکان، گواستەنەوە و گەیاندن، کشتوکاڵ و سەرچاوەکانی ئاو، شاراوەنی و
گەشت و گوزار، کاروباری کۆمەڵایەتی و رۆشنبیری و لاوان، کارەبا و ئەوقاف و
کاروباری ئایینی هێزەکانی زێرەڤانی و فەرماندەی بەرگری فریاکەوتن و سەرۆکایەتی
پەرلەمان و سەرۆکایەتی ئەنجومەنی وەزیران، سەرۆکایەتی هەرێم دابەشدەکرێت.
چوارشەممە ٣١ـی
کانونی یەکەمی ٢٠٢٥:
مووچەی
وەزارەتەکانی و پێشمەرگە(دیوان، لیواکان) و یەکەی ٧٠ و ٨٠ و پۆلیسی دامودەزگا
نەوتییەکان، ئەنجومەنی ئاسایش و دەزگای ئاسایش، دابەش دەکرێت.