AM:10:44:28/12/2025
808 جار خوێندراوەتەوە
بەهۆی بارانەکەی شەوی رابردوو لە گەڕەکی فەرمانبەرانی هەولێر لافاو دروستبوو و ئاو چووەتە ناو چەند ماڵێکەوە و زیانی بە دانیشتووانی ئەو گەڕەکە گەیاندووە.
ئەمڕۆ یەکشەممە ٢٨ـی کانونی یەکەمی ٢٠٢٥، پەیامنێری ئێن ئاڕ تی چووە گەڕەکی فەرمانبەران و بەشێک لە دانیشتوانەکەی دەڵێن، درەنگانی شەوی رابردوو لەلایەن دراوسێکانیانەوە ئاگادار کراونەتەوە کە ئاو چووەتە ناو ماڵەیان و ئەوانیش هەر فریاکەوتوون، بەپەلە بچنە سەر بانی خانووەکەیان.
بە وتەی ئەو هاوڵاتییانە، نزیکەی ١٥ ماڵ لەو گەڕەکە ئاو چووەتە ناویان و جگە لە خانووەکان چەند ئۆتۆمبێلێکیش زیانیان بەرکەوتووە.
ئەوەش لە کاتێکدایە، لە دوێنێوە شەپۆلێکی بەفر و باران رووی لە ناوچەکانی هەرێم کردووە و لە ناوچە شاخاوییەکان بەفر چەند رێگایەکی داخستووە و لەناو شارەکانیش لە چەند شوێنێک لافاو دروستبووە.
