PM:05:54:27/12/2025
884 جار خوێندراوەتەوە
بەهۆی ئەو شەپۆلە بەفربارینەی ئەمڕۆ بەشێک لە ناوچەکانی هەرێمی کوردستانی گرتووەتەوە، هاتووچۆی سۆران هۆشداری دەدات و دەڵێت، ئەگەر ئۆتۆمبیلەکانتان دەبڵ ئەکسل نەبێت و زنجیردار نەبێت، سەردانی ناوچە شاخاوییەکان مەکەن.
ئەمڕۆ شەممە ٢٧ـی کانونی یەکەمی ٢٠٢٥، بەڕێوەبەرایەتیی هاتووچۆی سۆران رایگەیاند، "ئاگاداری شوفێران و هاوڵاتییان دەکەین، کەوا هاتوچۆکردن لە رێگەکانی چۆمان بۆ حاجی ئۆمەران، سۆران بۆ سیدەکان، بەتایبەتی لۆفەکانی سەری بەرد، زینی وەرتێ ئەستەم و زەحمەتە.
هاوکات بەهۆی
بەفربارینەوە ژمارەیەک هاوڵاتی بە ئۆتۆمبێلەکانیانەوە لە لۆفەکانی چیای پێرس
گیریان خواردبوو و داوای بەهانوەچوونییان دەکرد.
سەرۆکایەتیی
شارەوانیی دینارتەش بڵاویکردەوە، "سەرجەم ئەو ئۆتۆمبێلانەی لەناو بەفر لە
چیای پێرس گیرییان خواردبوو رزگار کران و داواش لە هاوڵاتیان دەکەین ئەگەر بۆ
کارێکی زۆر پێویست نەبێت رێگەی چیای پێرس بەکار نەهێنن".
لە دوێنێ
شەوەوە شەپۆلێکی بەفربارین ناوچە شاخاوییەکانی هەرێمی کوردستانی گرتووەوە و بەپێی
پێشبینییەکانی کەشناسیش ئەمشەو شەپۆلەکە فراوانتر دەبێت و بەفربارین دەگاتە
سەنتەری بەشێک لە شارەکان.
