PM:06:21:10/12/2025
1188 جار خوێندراوەتەوە
بە کۆتاییهاتنی شەپۆلی ئەمجارەی بارانبارین راستەوخۆ شەپۆلێکی دیکە روو لە ناوچەکە دەکات و کەشناسێکیش رایگەیاند، ئەم شەپۆلەی ئەمجارە بەفربارینیشی لەگەڵ دەبێت.
ئەمڕۆ چوارشەممە ١٠ـی کانونی یەکەمی ٢٠٢٥، بارانبارین لە هەرێمی کوردستان بەردەوامیی هەیە و شاڵاو هیدایەت، شارەزای بواری کەشناسی بە ئێن ئاڕ تی وت، بە گشتیی کاریگەری شەپۆلەکە لەمشەوەوە بەرەو لاوازی دەچێت، بەڵام لە بەراورد بە ناوچەکانی دیکە، لە سلێمانی و هەڵەبجە و گەرمیان لەمشەویشدا کاریگەرییەکانی شەپۆلەکە زیاتر دەبێت وەک لە شوێنەکانی دیکە.
ئاماژەی بەوەشکردووە،
لە سبەینێدا بە گشتیی شەپۆلی بارانبارین کۆتایی دێت و کەشوهەوا بەرەو سەقامگیریی
دەچێت لە تەواوی هەرێمی کوردستان.
لەبارەی شەپۆلی
دیکەی بارانبارین باسی لەوەکرد، راستەوخۆ لە هەینییەوە شەپۆلێکی دیکەی بارانبارین روو
لە هەرێمی کوردستان دەکات و چەند رۆژێک بەردەوام دەبێت، شەپۆلەکە بۆ شارەکان
بارانی باشیان لەخۆگرتووە و بۆ ناوچە شاخاویی و سنورییەکانیش بەفربارینی پێیە.
ئەو کەشناسە ئەوەشی
خستەڕوو، لەگەڵ شەپۆلە نوێیەکەدا کە هەینی و شەممە روودەکاتە ناوچەکانی هەرێم،
پلەکانی گەرماش دوو بۆ سێ پلەی سیلیزیی دادەبەزن.
