AM:11:35:12/10/2025
900 جار خوێندراوەتەوە
بەڕێوەبەرایەتی گشتی تەندروستی سلێمانی رایگەیاند، لە ماوەی مانگی رابردوو لەنەخۆشخانەی د.جەمال ئەحمەد رەشیدی منداڵانی فێركاری لە سلێمانی ١٦،٣٧٩ منداڵی نەخۆش لەهەردوو بەشی دەوامی بەیانیان و بەشی راوێژكاری نەخۆشخانەكە بینراون و سەرجەمیان چارەسەری پێویستیان بۆ كراوە و ٢،٥٩٨ منداڵ داخڵ كراون.
ئەمرۆ، یەکشەممە ١٢ـی تشرینی یەکەمی ٢٠٢٥، بەپێی ئاماری بەڕێوبەرایەتی گشتی تەندروستی سلێمانی لەڕێكەوتی (١ بۆ ٣٠-٩-٢٠٢٥) لەنەخۆشخانەی منداڵان ١،٥٩٤ حاڵەتی سكچون و ڕشانەوە و ووشكبوونەوە و ١٨٥ حاڵەتی هەناسەتوندی تۆماركراوە.
ئەوەشی وتووە، ٤٨٥
منداڵ لەبەشی تیشك و دەمار و ١٥٥ منداڵ لەبەشی بەدخۆراكی و ١٦٩ منداڵ لەبەشی راهێنانەوەی
چارەسەری خۆراك و ١١٣ منداڵ لەبەشی هەرس و جگەر بینراون.
باس لەوەشکراوە، هەر لەو ماوەیەدا لەنەخۆشخانەی د.جەمال ئەحمەد رەشیدی مناڵانی فێركاری
١٧،٤١١ پشكنینی تاقیگەیی جۆراوجۆر و ٤٧٨ سۆنەر و ١٢٥ ئیكۆ و ٢٩ نازور ئەنجام دراوە
و ٤٨٥ تیشك گیراوە.
ئەمەش لەکاتێکدایە، لەگەڵ وەرزی پایزدا و بەهۆی گۆڕانکارییەکانی کەش و
هەوا، هاوکات، نزمبوونەوەی پلەکانی گەرما پەتایی وەرزیی لەناو هاوڵاتییاندا بەشێوەیەکی
بەرچاو بەربڵاوە بەتایبەتی منداڵان.
