PM:03:06:11/10/2025
1680 جار خوێندراوەتەوە
پۆلیسی سلێمانی دەڵێت، بە تۆمەتی دزینی ٤٥ مسقاڵ ئاڵتوون و بڕێک پارە، دوو کەس دەستگیرکران و هەروەها دەستگیرا بەسەر ئاڵتوونە دزراوەکەدا.
ئەمڕۆ شەممە ١١ـی تشرینی یەکەمـی ٢٠٢٥، پۆلیسی سلێمانی بڵاویکردەوە، دوای ئەوەی هاوڵاتییەك لە بنکەی پۆلیسی بازیان سكاڵای تۆماركرد کە ٤٥ مسقاڵ ئاڵتون و بڕی دوو ملیۆن و ٤٠٠ هەزار دیناری لە ماڵەکەیدا لێ دزراوە، پاش وەرگرتنی بڕیاری دادوەر، دوو تۆمەتبار لەسەر رووداوەکە دەستگیرکران و دەستگیرا بەسەر ئاڵتونە دزراوەکەشدا.
باسی لەوەشکرد، تۆمەتباران تەمەنیان ٥٥ ساڵان و ٤٠ ساڵانە و پیشەیان دەرۆزەکارە، دانیان
بەتاوانەکەیاندا ناوە.
وتیشی، هەردوو
تۆمەتبار لەئێستادا بەبڕیاری دادوەر و بە پێی ماددەی ٤٤٤ لە یاسای سزادان راگیراون
و لێکۆڵینەوە لەدۆسیەکە بەردەوامە.
