AM:10:26:06/10/2025
1660 جار خوێندراوەتەوە
چاوگێک لە حکومەتی ماوەبەسەرچووی هەرێم بە ئێن ئاڕ تی راگەیاند، پارەی داهاتی ناوخۆی مانگی هەشت و نۆ ئامادەیە و چاوەڕێن بڕیار لە رادەستکردنی بدرێت.
ئەمڕۆ دووشەممە ٦ـی تشرینی یەکەمی ٢٠٢٥، چاوگێک لە حکومەتی ماوەبەسەرچووی هەرێم بە ئێن ئاڕ تی وت، پارەی داهاتی ناوخۆی مانگی هەشت و نۆ ئامادەیە و سەرجەم رێوشوێنەکانیش ئامادەکراون بۆ ناردنی، چاوەڕێ بڕیاربدرێت کە رادەستی وەزارەتی دارایی هەرێم بکرێت و دواتریش رادەستی حکومەتی عێراق بکرێت.
وتیشی، پێویستە
لەلایەن ئیدارەی پارێزگای هەولێر و دهۆک و سلێمانی بڕیاری رادەستکردنی بدرێت بە
وەزارەتی دارایی دواتر لەلایەن سەرۆکی حکومەتی ماوەبەسەرچوو و جێگرەکەی بڕیاربدرێت
تاکو رادەستی بەغدا بکرێت.
پێشتر سەرۆک
وەزیرانی عێراق، محەمەد شیاع سودانی ئاماژەی بەوەکردبوو، بە رادەستکردنی داهاتی
ناوخۆ مووچەی مووچەخۆرانی هەرێم دەنێردرێت.
