ئاماژەی بەوەشکردووە، لە ماوەی رابردوودا پارتی و یەکێتی ١٧ جار رێککەوتنیان لەگەڵ بەغدا کردووە و پابەندی نەبوون ئەو پارەیەشی هەرێم رادەستی بەغدای دەکات ئەو پارەیەیە کە بۆ مووچەی مانگی ١٢ ساڵی رابردوو نێردرا.

دەشڵێت، ئەگەر پارتی و یەکێتی ببنەوە نوێنەری هاوڵاتیان بارودۆخی هەرێم زۆر خراپتر دەبێت، پێویستە هاوڵاتیان دەنگ بدەن بە نەوەی نوێ و بەهێزتری بکەن چونکە بە دڵنییایەوە لە بەغدا زۆر کاری گەورە ئەنجامدەدەن.

باسی لەوەشکردووە، پارتی و یەکێتی تەنها لە پێناو چەواشەکردنی هاوڵاتیان لەگەڵ بەغدا رێککەوتوون و دوای هەڵبژاردن پابەندی رێککەوتنەکەیان نابن و کێشە بۆ مووچە دروست دەکەنەوە.

وتیشی، پارتی و یەکێتی بۆ ئەمساڵ سێ مووچەی فەرمانبەرانی هەرێم دەخۆن و شەرمەزارییە بۆ دەسەڵاتێک لە پایزدا مووچەی هاوین دابەشبکات

دەسەڵات دەیەوێت بەدەستگیرکردنی شاسوار عەبدولواحید نەوەی نوێ لاوازبکات و دۆسیەکەی هیچ بنەمایەکی یاسایی نییە و سیاسییە و لەم دۆسەیەی ئێستا بۆی کراوەتەوە لە پێنج سکاڵاکار چوارکەسیان کشاونەتەوە.

ئەوەشی خستەڕوو، نەوەی نوێ بەگوڕترو گەرمتر لەپێشوو رووبەرووی دەسەڵات و گەندەڵییەکانی بووەتەوە و و بەوپەڕی توانایەوە و بەگوڕوتینەوە بانگەشەی هەڵبژاردن ئەنجام دەدات.

ئومێد محەمەد وتیشی، شاسوار عەبدولواحید لەبەر وەستانەوە لە دژی گەندەڵی و قوت ژیانی هاوڵاتیان لەزینداندایە و دەیتوانی ئێستا لە ناو ماڵ و منداڵی خۆی شاهانە بژی بەڵام زیندانی هەڵبژارد.

راشیگەیاند، پێویستە هاوڵاتیان ئاگاداربن بەمانەوەی یەکێتی و پارتی کێشەی مووچە و دزی و گەندەڵی بەردەوامی دەبێت بۆیە پێویستە هاوڵاتیان بەشداری دەنگدان بکەن و دەنگ بدەن بەنەوەی نوێ.

دەشڵێت، ئەمجارە نەوەی نوێ لە بەغدا لەرێگەی پەرلەمان و حکومەتیشەوە هەوڵی چارەسەری کێشەی مووچە دەدات، هەروەها کار بۆ دابینکردنی پێشینەی هاوسەرگیری و خانووبەرە بۆ هاوڵاتیانی هەرێم دەکات.