PM:01:14:22/09/2025
10420 جار خوێندراوەتەوە
وەزارەتی جەنگی ئەمریکا دەڵێت، بۆ ساڵی داهاتوو هاوکارییە داراییە راستەوخۆکانی ئەمریکا بۆ پێشمەرگە کۆتاییان دێت و لە بەرامبەردا بودجەی پڕچەک کردن و راهێنان فراوان دەکرێت.
ئەمڕۆ دووشەممە ٢٢ـی ئەیلولی ٢٠٢٥، وەزارەتی جەنگی ئەمریکا، راپۆرتی داواکاریی بودجەی سندوقی راهێنان و پڕچەککردنی دژی داعش بۆ ساڵی دارایی ٢٠٢٦ بڵاوکردەوە، کە رێچکەیەکی نوێ لە پشتیوانییەکانی ئەمریکا بۆ پێشمەرگە و هێزە ئەمنیەکانی عێراق و سووریا دیاریدەکات.
بەپێی راپۆرتی
وەزارەتەکە، هاوکارییە داراییە راستەوخۆکانی ئەمریکا بۆ پێشمەرگە کۆتاییان دێت، لە
بەرامبەردا بودجەی چەک، ئۆتۆمبێل و راهێنان فراوان دەکرێت و بڕی ٦١ ملیۆن دۆلاری
بۆ راهێنان و پڕچەککردنی پێشمەرگە تەرخان کردووە.
وەزارەتی جەنگی
ئەمریکا باسی لەوەشکردووە، بەگوێرەی یاداشتێکی لێکتێگەیشتنی نێوان حکومەتی عێراق و
هەرێم لە ئەیلوولی ٢٠٢٢، حکومەتی عێراق لە ساڵی ٢٠٢٦ـەوە خۆی هاوکارییەکانی
پێشمەرگە دەگرێتە ئەستۆ و خەرجی دەکات.
