وتیشی، "ئەنجومەنی وەزارەتی پەروەردە کە سێبەری رەشی کورسیەکانیان بەرچاوی گرتوون، بەبێ گوێدانە دۆخی کارەساتباری دارایی مامۆستایان و دایکوباوکی خوێندکار و قوتابیان، رێکەوتی ٢١ـی ئەیلولی ٢٠٢٥ـی وەک یەکەم رۆژی ساڵی نوێی خوێندن دیاریکردووە، ئەمە لە کاتێکدایە هەریەک لە مووچەکانی مانگی حەوت و هەشت نەدراوە و چاوبرسێتی و نەوتپەرستی و داهات دزینی ئاغاکانیان وابکات هەریەک لە مووچەی مانگەکانی ٩، ١٠، ١١، ١٢ تەنیا فاتیحە لەسەرخوێندنی ماوە".

باسی لەوەشکرد، ، بایکۆت و خۆپیشاندان و هەموو هۆکارێکی مەدەنی بۆ داکۆکی لە مافەکانیان، نایه‌كی سەربەرزانەن بۆ رەتکردنەوەی دەوامی بەخۆڕایی و بەزۆرەملێ.

له‌ راگه‌یه‌ندراوه‌كه‌دا هاتووە ،"بارتەقای رقمان لە بەدکاریی و خوێنساردیی ئەم دەسەڵاتە خوێنمژەی جمکی شەیتانی نەگریس، لە نابەرپرسیارێتی و بەدەنگنەهاتنی حیزبە بەناو ناڕازییەکانی دەرەوەی پارتی و یەکێتی و بەناو ڕۆشنبیران و دەستەبژێران و دادوەران و کەسایەتییە ئایینی و سیاسییەکان و بەناو شۆڕشگێڕانی دێرین و فەرمانبەران و خوێندکاران و کەسوکاریان نیگەران و تووڕەین؛ یەقینمان هەیە، هەڵنەگرتنی بەرپرسیارێتی و بەدەنگنەهاتنی ئەم چین و توێژانە، هۆکاری سەرەکی تەمەندرێژی و پێ لێڕاکێشانی زیاتری ئەم دو حیزبە بە کرێگیراوەیە".