بەڕێوەبەرایەتی بازرگانیی هەرێم دەڵێت، ئەوانەی فۆڕمی ئەلیكترۆنی خۆراكیان پڕ نەكردووەتەوە بڕینی بەشە ئاردیان دەستی پێكردووە و ئەم مانگەش بەشەخۆراكیان دەبڕدرێت، دەشڵێت، ئەوانەی خۆراكیان راگیراوە کەی فۆرمیان پڕ کردەوە دەبنەوە خاوەن فۆرم و لە مانگەکانی ئاییندە خۆراک و ئاردیان بۆ دێتەوە.
ئەمڕۆ شەممە ١٣ـی ئەیلولی ٢٠٢٥، نەوزاد کامیل، بەڕێوەبەری گشتیی بازرگانی لە وەزارەتی بازرگانی و پیشەسازیی هەرێم وتی، زیاتر لە ٧٠٠ هەزار هاوڵاتی هەرێمی كوردستان بەهۆی پڕنەكردنەوەی فۆڕمی ئەلیكترۆنی خۆراك بەشە ئاردیان پێ نەدراوە و بەشەخۆراكی تازەشیان لەم مانگەدا پێ نادرێت.
لەبەشە ئاردی
حەوتەم، هەشت ملیۆن و ٨٤٧ هەزار و ٧٥٠ کیلۆگرام ئارد لەسەر ئاستی هەرێمی كوردستان
بڕدراوە.
ئاماژەی
بەوەشکرد، لە بەشی حەوتەمی ئارد لێبڕین و راگرتن لە عێراق و هەرێم دەستی پێکردووە،
نزیکەی سێ ملیۆن کەس لە عێراق بەشەئاردی حەوتیان وەرنەگرت و لەم مانگەشدا
بەشەخۆراکیش بۆ ئەوانە نایەت کە فۆڕمیان پڕ نەکردووەتەوە.
بەڕێوەبەری
گشتیی بازرگانی جەختی كردەوە، ئەوانەی خۆراكیان راگیراوە کەی فۆرمیان پڕ کردەوە
دەبنەوە خاوەن فۆرم و لە مانگەکانی ئاییندە خۆراک و ئاردیان بۆ دێتەوە و ئەو
مانگانەی لێیان بردڕاوە قەرەبوو ناكرێنەوە.
بەشداربووانی
پسوڵەی خۆراک لە هەرێمی کوردستان، كە فۆرمی ئەلیكترۆنی خۆراكیان پڕ كردووەتەوە
چوار ملیۆن و ٦٣٨ هەزار و ٦٧٢ کەسن.