PM:06:55:11/09/2025
2140 جار خوێندراوەتەوە
فەرمانگەی میدیا و زانیاری دەڵێت، کامێراکانی هاتووچۆ لەسەر رێگای سلێمانی - تاسڵوجە و سلێمانی - وارماوە کەوتنە کار.
ئەمڕۆ پێنجشەممە ١١ـی ئەیلولی ٢٠٢٥، فەرمانگەی میدیا و زانیاری هەرێم بڵاویکردەوە، کامێراکانی رێگای سلێمانی - تاسڵوجە بە سیستمی یەک خاڵ کار دەکەن و سەرپێچیی تیژڕەوی بەپێی ئەو خێراییانەی لە هێماکانی هاتووچۆی رێگاکە دیاری کراون تۆمار دەکەن.
ئاماژەی بەوەشکردووە،
کامێراکانی رێگای سلێمانی - وارماوا، بە سیستەمی خاڵ بۆ خاڵ بە درێژایی ٣٠
کیلۆمەتر جێگیر کراون و سەرپێچی تۆمار دەکەن.
جەخت دەكاتەوە،
میکانیزمی تۆمارکردنی سەرپێچییەکان بە یەک سیستم، بەپێی فەرمانی وەزارەتی ناوخۆ رێک
خراوە و سەرجەم بەڕێوەبەرایەتییەکانی هاتووچۆی هەرێمی کوردستان پێوەی پابەندن.
