PM:04:16:10/09/2025
1732 جار خوێندراوەتەوە
پارتی و یەکێتی ١٨ پۆستی باڵای دیکەیان لە بەغدا وەرگرت و دەستبەکاربوون، لەکاتێکدا ئەو دوو حزبە لە بەغدا سەرقاڵی دروستکردنی کێشەن بۆ مووچەخۆرانی هەرێم.
ئەمڕۆ چوارشەممە ١٠ـی ئەیلولی ٢٠٢٥، ٧٩ باڵیۆزی نوێی عێراق کە ١٨ـەیان لەسەر پشکی پارتی و یەکێتین، لەبەردەم سەرۆک کۆمار و وەزیری دەرەوە سوێندی یاساییان خوارد و دەستبەکاربوون.
ژمارەی باڵیۆزە نوێیەکانی عێراق ٩٣ کەسن، لەو ژمارەیە ١٩ کەسیان کوردن و ١٨
کەسیان لەسەر پشکی پارتی و یەکێتین.
ئەوەش لەکاتێکدایە، پارتی و یەکێتی لە بەغدا سەرقاڵی دروستکردنی کێشەن بۆ
مووچەخۆرانی هەرێم، لە هەرێمی کوردستانیش وا خۆیان نیشان دەدەن کە لەگەڵ بەغدا
ناکۆکن و هەڕەشەی کشانەوە دەکەن، کەچی لە بەغدا یەک لەدوای یەک پۆستی باڵا
وەردەگرن.
