PM:12:20:10/09/2025
1096 جار خوێندراوەتەوە
ئەمڕۆ حکومەتی ماوەبەسەرچوو کۆدەبێتەوە بەپێی کارنامەی کۆبوونەوەکە گفتوگۆ دەکرێت لەسەر دواپێشهاتی هەردوو دۆسیەی نەوت و داهاتە نانەوتییەکان و بڕیارەکانی کۆبوونەوەی دوێنێی ئەنجوومەنی وەزیرانی عێراق.
ئەمڕۆ چوارشەمممە ١٠ـی ئەیلولی ٢٠٢٥، بە گوێرەی راگەیەندراوی فەرمانگەی میدیا و زانیاری، لە بەشێکی دیکەی کۆبوونەوەکەدا، كۆنووسی هاوبەشی وەزارەت و لایەنە پەیوەندیدارەكان لە رۆژی ٢ـی ئەیلولی ئەمساڵ، تایبەت بە پێشنیاریان سەبارەت بە پیادەكردنی یاسای راژە و خانەنشینیی پێشمەرگە دەخرێتەڕوو.
هاوکات، راسپاردەكانی
وەزارەتی دارایی هەرێم، سەبارەت بە ئاسانكاریی پێشینە و قەرزەكانی تایبەت بە
(خانووبەرە، كشتوكاڵ، پیشەسازی، نیشتەجێكردن و گەشتیاری) بابەتێکی دیکەی کۆبوونەوە
دەبێت.
هەر لە
کۆبوونەوەکەدا پڕۆسەی یەكخستنەوەی رێكارە داراییەكانی نێوان حكومەتی ماوەبەسەرچوو
و حكومەتی عێراق، چەند پێشنیاز و راسپاردەیەكی وەزارەتی دارایی بۆ یەكخستنی رێكار
و رێنماییەكانی باج و رێژەكانیان، لەنێوان دامەزراوەكانی باج لە هەرێم و عێراق
دەخرێتەڕوو.
