وەزیری نەوتی عێراق دەڵێت، تاوتوێی هەناردەکردنی نەوتی عێراق لە رێگای بۆری نەوتی بانیاسی سوریا و تەرابلوسی لوبنان دەکەن.
ئەمڕۆ سێشەممە ١٢ـی ئابی ٢٠٢٥، حەیان عەبدولغەنی، وەزیری نەوتی عێراق و محەمەد بەشیر، وەزیری وزەی سوریا لە شاری بە‌غدا کۆبوونەوە.
لە
کۆبوونەوەکەدا وەزیری نەوتی عێراق ویستی عێراقی بۆ کاراکردنی هێڵی گواستنەوەی
نەوتی کەرکوک - بانیاس کردەوە و وتی، بۆ کاراکردنەوەی هێڵەکە یان هێڵە کۆنەکە
نۆژەندەکەنەوە، یان هێڵی نوێ دادەمەزرێنن.
ئەوەش لە
کاتێکدایە، بۆرییەکە لە ساڵی ١٩٥٢ کەوتووەتە کار کە نەوتی کێڵگەی نەوتی کەرکوکی بۆ
بەندەری بانیاسی سوریا گواستووەتەوە و ماوەیەکی زۆریشە لەکارکەوتووە.