ئەندامی ئەنجومەنی نەوەی نوێ دەڵێت، " وەڵامێک بۆ کاک عەلی حوسێن، تا خۆی و لایەنگرانی پارتی و خەڵکی کوردستانیش بزانن کێ بچووکە و کێ گەورەیە، بە حوکمی ئەوەی ماوەیەکی زۆر بەرپرسی پەیوەندییە ناوخۆییەکانی جوڵانەوەی نەوەی نوێ بووم، ئێستاش کە لە نزیک سەرۆکی جوڵانەوەکەوەم و ئاگاداری ورد و درشتی پەیوەندی و بڕیار و هەڵوێستەکانم"

وتیشی،" ئەوکاتەی تەلەفۆن بۆ من دەکرا و دەوترا کە کەسی هەرە باڵای پارتی (کە نامەوێ لێرە ناوی بێنم) دەیەوێت سەردانێکی کاک شاسوار بکات، کە پرسیارم دەکرد مەبەست لە سەردانەکە چییە؟ دەیانوت تەنها سەردانێکی ئاسایی و دەیەوێ چایەک پێکەوە بخۆنەوە.. پاش قسەکردنم لەگەڵ شاسوار عەبدولواحید وەڵامم دایەوە و وتم، ببورن ئێمە بێ پرۆژە بۆ باشترکردنی ژیانی خەڵک نامانەوێ کەس ببینین و چایخانەمان دانەناوە بۆ چایی خواردنەوە، ئیتر کاک عەلی دەبوو بزانێت کێ گەورەیەو کێ بچووک، ئەوەی کە داوای بینینی کردووە؟ یان ئەوەی کە رەتیکردۆتەوە و وتوویەتی چایخانەمان دانەناوە؟ پێم سەیرە لە بەرنامەیەکی کەناڵەکەی مەسرور بارزانی باس لە گەورەیی و بچوکی دەکات، گەورە و بچووکی بە هەڵوێستە، وەک ئەو هەڵوێستەی کە بینینی ئەو کەسە هەرە باڵایەی پارتی رەتکرایەوە، نەک قسەی سەر شاشەکان".