PM:03:41:09/03/2025
13312 جار خوێندراوەتەوە
لە شاری شتوتگارد لە ئەڵمانیا بەهۆی رووداوێکی هاتوچۆوە سێ کەس گیانیان لەدەستدا یەکێک لەوانە کوردێکە ناوی ئالان بەکرە خەڵکی سلێمانیە و خاوەنی سێ منداڵە.
ئەمرۆ یەکشەممە ٩ـی ئازاری ٢٠٢٥، میدیاکانی ئەڵمانیا بڵاویانکردەوە، رووداوێکی هاتووچۆ لە رێگای هایگەرلۆچ لە نزیک شاری شتوتگاردی ئەڵمانیا روویداوە و بەهۆیەوە سێ کەس گیانیان لەدەستداوە و کەسێکی دیکەش برینداربووە.
سەبارەت بە رووداوەکە پەیامنێری ئێن ئاڕ تی لە ئەڵمانیا باسی لەوەکرد، لەناو ئەو کەسانەی گیانیان لەدەستداوە، یەکێکیان هاوڵاتییەکی کوردە بە ناوی ئالان بەکر و خەڵکی سلێمانیە و خاوەنی سێ منداڵە.
میدکانی ئەڵمانیا ئاماژەیان بەوەشکردووە، رووداوەکە لە نێوان دوو ئۆتۆمبێلی جۆری فۆرد موستانگ و ئۆتۆمبێلیکی
جۆری ڤۆڵکسواگن روویداوە و شۆفێری ڤۆلکسواگنەکە هاوڵاتییەکی کوردی دانیشتووی
ئەڵمانیایە هەر لە شوێنی ڕووداوەکە گیانی لەدەستداوە.
وتیشیان، بەپێی دوایین زانیارییەکانی پۆلیسی ناوچەکە سەرنیشین و شۆفێری
ئۆتۆمبێلی موستانگەکە بە برینداری گواستراونەتەوە بۆ نەخۆشخانە، دواتر بەهۆی سەختی
برینەکانیانەوە گیانیان لەدەستداوە.
